கோவை,
தமிழகம் முழுவதும் நல்ல கனமழை பெய்யும் என கோயம்புத்தூர் வெதர் மேன் தெரிவித்துள்ளார்.
அவர் கூறிய வானிலை அறிக்கையில்
அடுத்த 96 மணி நேரத்தில் மன்னார் வளைகுடாவிற்கு அருகே உள்ள மேல் காற்று சுழற்சியின் உதவியுடன் கொங்கு மண்டலம் மற்றும் தென் உள் தமிழகத்திற்கு மிக கனமழை எதிர்பார்க்கப்படுகிறது. கோயம்புத்தூர், திருப்பூர், ஈரோடு, சேலம், நாமக்கல், திண்டுக்கல், தருமபுரி, கிருஷ்ணகிரி, மதுரை, விருதுநகர், சிவகாசி, தேனி, தென்காசி, திருநெல்வேலி, கன்னியாகுமரி ஆகிய மாவட்டங்களில் 10 சென்டிமீட்டருக்கும் அதிகமான கனமழை பெய்ய வாய்ப்புள்ளது.
கோவை நகரம்:
வெள்ளிக்கிழமை (செப்டம்பர் 2) வரை மிகக் கனமழைக்கு தயாராக இருக்க வேண்டும். கனமழை காரணமாக கீழ் பாலங்கள் நிரம்ப வாய்ப்புள்ளது. மழை பெய்தால் கோவை மாநகரில் போக்குவரத்து நெரிசல் அதிகமாக இருக்கும். வீட்டை விட்டு வெளியே வரும்போது ரெயின்கோட் அணிந்து தயாராக இருங்கள்.*
பெங்களூரு :
பெங்களூருக்கு செப்டம்பர் 3 வரை மிகக் கனமழை பெய்யும்
கடலோர தமிழ்நாடு:
தமிழகத்தின் கடலோரப் பகுதிகளில் வரும் நாட்களில் மிதமானது முதல் கனமழை வரை பெய்யும். சென்னை உள்ளிட்ட கடலோர தமிழகத்தின் கிழக்கு பகுதிகள் வலுப்பெறுவதால் நாளை முதல் மழை குறையும்.