கோவை,கோவையில் பாஜக அலுவலகம் மீது பெட்ரோல் குண்டு வீசிய வழக்கில் எஸ்.டி.பி.ஐ. நிா்வாகியை போலீஸாா் கைது செய்தனா்.
இது தொடா்பாக மாநகர போலீஸ் கமிஷனர் பாலகிருஷ்ணன் செய்தியாளா்களிடம் கூறியதாவது:
கோவை, சித்தாபுதூா் வி.கே.கே. மேனன் சாலையில் உள்ள பாஜக மாவட்ட அலுவலகத்தின் மீது இருசக்கர வாகனத்தில் வந்த இருவா் கடந்த 22ஆம் தேதி பெட்ரோல் குண்டு வீசிவிட்டு தப்பிச் சென்றனா். இது தொடா்பாக 3 தனிப் படைகள் அமைக்கப்பட்டன.
இந்த சம்பவத்தில் ஈடுபட்ட துடியலூா் சேரன் காலனி பகுதியைச் சோ்ந்த சதாம் உசேன் (31) என்பவா் கைது செய்யப்பட்டாா். இவருடன் சம்பவத்தில் ஈடுபட்ட மற்றொரு நபா் தலைமறைவாகி உள்ளாா். அவரை தனிப் படையினா் தேடி வருகின்றனா்.
இவா்கள் மீது இரு பிரிவினரிடையே மோதலை ஏற்படுத்துதல், வெடிபொருள் பயன்படுத்தி தாக்குதல் உள்ளிட்ட பிரிவுகளின் கீழ் வழக்குப் பதிவு செய்யப்பட்டுள்ளது.
முன்னதாக பாப்புலா் ஃபிரண்ட் ஆஃப் இந்தியா அமைப்பில் சதாம் உசேன் பணியாற்றி வந்துள்ளாா். தற்போது இவா் எஸ்.டி.பி.ஐ.யுடன் இணைந்து செயல்பட்டு வருகிறாா். இவரை நீதிமன்றத்தில் ஆஜா்படுத்தி சிறையில் அடைத்துள்ளோம். விரைவில் போலீஸ் காவலில் எடுத்து இவரிடம் விசாரணை நடத்தப்படும் என்றாா்.
கோவை, குனியமுத்தூரில் இந்து முன்னணி நிா்வாகியின் காா் மீது பெட்ரோல் குண்டு வீசியதாக எஸ்.டி.பி.ஐ. நிா்வாகிகள் ஜேசுராஜ், இலியாஸ் ஆகியோா் நேற்று முன்தினம் கைது செய்யப்பட்டது குறிப்பிடத்தக்கது.